#LIVEANDLETTOLIVE

سب پارٹیاں کہتی ہیں کےپی کےمیں دھاندلی ہوئی تو ہوئی ہوگی، عمران خا

اسلام آباد ……..تحریک انصاف کے سربراہ عمران خان کا کہنا ہے کہ بلدیاتی انتخابات میں جب سب پارٹیاں کہتی ہیں کہ دھاندلی ہوئی ہے، تو ہوئی ہوگی، سب مل بیٹھیں اوردوبارہ الیکشن کا فیصلہ کرلیں ۔ چیئرمین تحریک انصاف عمران خان کا کہنا ہے کہ حکومت میٹرو کی بجائے تعلیم، انصاف اور سیکورٹی پر توجہ دے، وفاقی حکومت کے بجٹ سے غریبوں کو ریلیف نہیں ملے گا۔ ان کاکہنا ہے کہ اگر تمام پارٹیاں کہہ رہیں کہ بلدیاتی انتخابات میں دھاندلی ہوئی توہوئی ہوگی۔ چیئرمین تحریک انصاف عمران خان نےایک ارب درخت لگانے سے متعلق تقریب میں خطاب کے بعد میڈیا سے بات چیت میں کہا ہے کہ وفاق نے صوبہ خیبرپختونخوا کواس کے حصے کی رقم کا صرف 19فیصد ادا کیا ہے، وفاقی بجٹ میں غریب افرادکو ریلیف نہیں ملے گا، میٹرونہیں عوام کو تعلیم، سستا انصاف اور سیکورٹی کی ضرورت ہے۔ عمران خان کا کہنا تھا کہ خیبر پختون خوا میں ٹمبر مافیا حکومت اور سیاستدانوں سے زیادہ مضبوط ہے، ان کےخلاف سخت کارروائی کریں گے۔ عمران خان کا کہنا تھا جماعت اسلامی سمیت تمام پارٹیاں کہتی ہیں کہ بلدیاتی انتخابات میں دھاندلی ہوئی ہے تو ہوئی ہوگی،ہم بھی تویہی کہتے ہیں کہ دھاندلی ہوئی،اگر دھاندلی ہوئی ہے تو سب مل بیٹھیں اور دوبارہ الیکشن کا فیصلہ کرلیں۔ عمران خان کا کہنا تھا کہ لاہور، راولپنڈی اور کراچی میں صاف پانی تک میسر نہیں میٹرو بسیں چلانا اتنا بڑا کام نہیں جتنے بڑے اشتہار لگائے جا رہے ہیں۔