#LIVEANDLETTOLIVE

حالیہ دہشتگردی میں ملوث عناصر کو انصاف کے کٹہرے میں لائینگے، چوہدری نثار

کراچی ……وزیرداخلہ چوہدری نثار کا کہنا ہے کہ حالیہ واقعات میں ملوث دہشتگردوں کو انصاف کے کٹہرے میں لائینگے۔ سانحہ صفورا پر رینجرز ہیڈکوارٹرز میں بریفنگ سے خطاب میں انہوں نے کہا کہ مثبت سمت میں ہونے والی تحقیقات سے دہشتگردوں تک پہنچنے میں آسانی ہوگی۔ وفاقی وزیر داخلہ چوہدری نثار علی خان کو ڈی جی رینجرز سندھ میجر جنرل بلال اکبر نے رینجرز ہیڈکوارٹر کراچی میں سانحہ صفورہ گوٹھ اور ہائی پروفائل واقعات پر بریفنگ دی۔ترجمان سندھ رینجرز کے مطابق ڈی جی رینجرز سندھ میجر جنرل بلال اکبر نے وفاقی وزیر داخلہ کو سانحہ صفورہ گوٹھ اور ہائی پروفائل اور ٹارگٹ کلنگ کے واقعات پر بریفنگ دی۔ ڈی جی رینجرز نےانہیں شہر میں جاری آپریشن اور اس میں ہونے والی گرفتاریوں سے بھی آگاہ کیا۔چوہدری نثار علی خان نے رینجرز کی کارگردگی کو سراہتے ہوئے کہا کہ حالیہ واقعات میں ملوث دہشت گردوں کو انصاف کے کٹہرے میں لایا جائے گا۔