#LIVEANDLETTOLIVE
پاکستان میں آزاد پھررہا ہوں جس کا مطلب یہاں سیکیورٹی کے کوئی مسائل نہیں،عمران طاہر
لاہور: پاکستانی نژاد جنوبی افریقی کرکٹر عمران طاہر کا کہنا ہے کہ میں پاکستان میں بغیر سیکیورٹی کے گھوم پھر رہا ہوں جو یہ ثابت کرنے کے لئے کافی ہے کہ یہاں سیکیورٹی کے کوئی مسائل نہیں۔
لاہور میں آئی سی سی کے ایلیٹ پینل میں شامل پاکستانی امپائر علیم ڈار کی کرکٹ اکیڈمی میں گفتگو کرتے ہوئے عمران طاہر کا کہنا تھا کہ پاکستان میں عالمی کرکٹ کی بحالی کے لئے زمبابوے کا دورہ پاکستان سنگ میل ثابت ہوگا جس کے بعد دیگر ٹیموں کو بھی ملک میں لانے کے لئے راہ ہموار ہوگی اور میری دعائیں اور امید ہے کہ زمبابوے کا دورہ پاکستان کامیاب ہوگا جس کے بعد پاکستان میں ایک مرتبہ پھر عالمی کرکٹ کے دروازے کھلیں گے۔
پاکستان ڈومسٹک کرکٹ کے حوالے سے تجویز دیتے ہوئے عمران طاہرکا کہنا تھا کہ پی سی بی کو ڈومسٹک کرکٹ میں بہتری لانے کی اشد ضرورت ہے، اگر کرکٹ میں بہتری لانی ہے تو فرسٹ کلاس کرکٹرز کی تنخواہوں میں اضافہ کرنا ہوگا۔
Comments
Post a Comment